Ministri i Finacave, Bedri Hamza në mbledhjen e sotme të Qeverisë, tha se rezervat janë drejt fundit.

Ai u bëri thirrje zyrtarëve të qeverisë që kërkesat buxhetore t’i paraqesin nëpër ministri.

“E para për të gjitha ngjarjet që do të ndodhin i lus të gjithë ministrat që t’i planifikojnë dhe t’i vendosin me kohë në buxhetin e ministrisë së tyre. E dyta nga çdo njëri prej neve që ka nevojë për rezerva të respektohet afati dhe e treta duhet me pas kujdes për kërkesat e ardhshme për shkak se gjendja e rezervës është duke shkuar nga fundi”, tha Hamza.

Vetëm sot nga rezervat, u ndanë 500 mijë euro për të shënuar vitin e Skendërbeut, për aktivitetet që do të shënojnë 550-vjetorin e vdekjes së Gjergj Kastriotit.