Pronari i rrjetit social Snapchat thotë se është duke punuar në një përditësim të aplikacionit pas problemeve që ka pasur për të siguruar profit.

Aksionet e kompanisë pësuan rënie këtë javë, pak kohë pasi kompania njoftoi humbje prej 400 milionë dollarëve në tremujorin e fundit.

Snapchat tani ka thënë se do të bëjë më të lehtë përdorimin e aplikacionit dhe më të përshtatshëm për përdoruesit.

“Do të bëjmë këtë hap të rrezikshëm me besimin se do të sjellim përfitime afatgjate për biznesin tonë”, ka thënë shefi ekzekutiv Evan Spiegel në një letër drejtuar investitorëve, shkruan BBC.

Snapchati pati rritje enorme në fillim pas lansimit sidomos te të rinjtë për shkak të veçorisë së mesazheve që fshiheshin vetë.